Azərbaycanda vergilər: fiziki şəxslərin gəlir vergisi.

fiziki şəxslərin gəlir vergisi 1. bu verginin ödəyiciləri - fiziki şəxslərin gəlir vergisi rezident və qeyri-rezident fiziki şəxslərə tətbiq olunur. Rezident fiziki şəxs dünya üzrə əldə etdiyi bütün gəlirlərdən (həm Azərbaycan daxilində, həm də xaricdə əldə edilən gəlirlərdən) vergi ödəyir. Qeyri-rezident fiziki şəxs yalnız Azərbaycan mənbəyindən əldə etdiyi gəlirlər üzrə vergi ödəyir. 2. vergitutma obyekti – həm rezident, həm də qeyri-rezident fiziki şəxslər üçün vergitutma obyekti onların gəliridir. Gəlirə aiddir: muzdlu işdən əldə edilən gəlir (əmək haqqı), sahibkarlıq və ya müstəqil fəaliyyətdən əldə edilən gəlir, və digər gəlirlər (faiz, dividend, royalti və s.), Vergi Məcəlləsinə əsasən vergidən azad edilən gəlirlər istisna olmaqla). 3. vergitutma bazası - rezidentlər üçün vergitutma bazası vergi ili üzrə vergiyə cəlb olunan gəlirdir və bu, ümumi illik gəlirlə qanunla icazə verilən çıxılmalar arasındakı fərq kimi hesablanır. Azərbaycanda daimi nümayəndəlik vasitəsilə fəaliyyət göstərən qeyri-rezidentlər üçün vergitutma bazası həmin daimi nümayəndəliyə aid olan Azərbaycan mənbəli gəlirlə bu gəlirlə bağlı çıxılan xərclər arasındakı fərqdir. Praktiki olaraq, fiziki şəxslər vergi ödəyərkən bütün ümumi gəlirlərindən deyil, qanuni çıxılmalardan sonra qalan xalis gəlirdən vergi ödəyirlər. Məsələn, əgər fiziki şəxsin il ərzində 30 000 AZN gəliri varsa və qanunla icazə verilən çıxılmaların məbləği 5 000 AZN təşkil edirsə, onun vergiyə cəlb olunacağı gəliri 25 000 AZN olacaq. 4. vergi dərəcəsi və hesablanması qaydası – 1. Neft-qaz sahəsi dövlət sektoruna aid edilən vergi ödəyicilərində işləyən fiziki şəxslərin muzdlu işdən aylıq gəlirlərindən vergi aşağıdakı dərəcələrlə tutulur: Vergi tutulan aylıq gəlirin məbləği Verginin dərəcəsi 2500 manatadək 14 faiz 2500 manatdan çox olduqda 350 manat + 2500 manatdan çox olan məbləğin 25 faizi 2. Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində işləyən fiziki şəxslərin muzdlu işdən aylıq gəlirlərindən vergi aşağıdakı dərəcələrlə tutulur: 2026-cı il yanvarın 1-dən 2027-ci il yanvarın 1-dək Vergi tutulan aylıq gəlirin məbləği Verginin dərəcəsi 2500 manatadək 3 faiz 2500 manatdan 8000 manatadək 75 manat + 2500 manatdan 8000 manatadək olan məbləğin 10 faizi 8000 manatdan çox olduqda 625 manat + 8000 manatdan çox olan məbləğin 14 faizi 2027-ci il yanvarın 1-dən 2028-ci il yanvarın 1-dək Vergi tutulan aylıq gəlirin məbləği Verginin dərəcəsi 2500 manatadək 5 faiz 2500 manatdan 8000 manatadək 125 manat + 2500 manatdan 8000 manatadək olan məbləğin 10 faizi 8000 manatdan çox olduqda 675 manat + 8000 manatdan çox olan məbləğin 14 faizi 2028-ci il yanvarın 1-dən Vergi tutulan aylıq gəlirin məbləği Verginin dərəcəsi 2500 manatadək 7 faiz 2500 manatdan 8000 manatadək 175 manat + 2500 manatdan 8000 manatadək olan məbləğin 10 faizi 8000 manatdan çox olduqda 725 manat + 8000 manatdan çox olan məbləğin 14 faizi 5. verginin ödənilməsi müddəti - il üzrə yekun ödəmə və bəyannaməsinin təqdim edilməsi hesabat ilindən sonrakı ilin mart ayının 31-dən gec olmayaraq, cari vergi ödəmələri isə hər rüb başa çatdıqdan sonra 15 gün ərzində büdcəyə ödənilməlidir.